| ناشد الود |
26-01-2017 05:59 PM |
ليت الزمن ياقف لنا لو ثواني ** وإلاّ معه ياخـذ قلـوبٍ جريحات
 |
|
 |
|
:
:
ليت الزمن ياقف لنا لو ثواني ** وإلاّ معه ياخـذ قلـوبٍ جريحات
وليت الهوى ما ياخذ اللِّي عطاني ** ولا يبدِّل أُنسنا فيه باآهات
ولا يجـدِّدْ جرحـنا بالأماني ** جـرح الأماني مايعالَـجْ بمأساة
بين الزمان وبين مـرّ الحناني ** شافت عيوني في سما الحب لوعات:
يا صاحبي حيّرتني في زماني ** منك وعليك أشكي وداعي الوفا مات
وراك ما ترحم خفـوق ٍ يعاني ** صدِّك وتعذيبك يرى فيه راحات
يا جاعـل ٍ تالي هوانا هواني ** تبات مسـرورٍ وغاليك مابات
يمديك تعـرف صادقات المعاني ** تعبير صبٍّ يشتكي منك ما فات
سلبـت زيـن الفاتنات الغواني ** وسلبت عقلي وأسبلت فيك الأبيات
:
:
السامر
:
:
|
|
 |
|
 |
|
