المسؤولية هيّ الوصية



ندى امين الاعور



كلنا واحد يا عالم

كلنا واحد يا ناس

عشان يحل السلام

وحدتنا هيّ الأساس

النفسية بتعاني

ناقصها الأمان

الفرد مننا أناني

فين وعي الانسان؟

عدالة اجتماعية

أو رشوة ومحسوبية؟

فين المسؤولية؟

راجع الوصية

ده ناصر هو زعيمنا

وياه احنا التزمنا

"معونتكو عالجزمة"

قالها وما فيش ازمة

الكل مسؤولين

معاه هما عايزين

توفير الأموال

عدم الاستهلاك حلال

السادات اتقلب

النظام اتخرب

خرّب الشخصية

مواطن بلا هوية

ما فيش انتماء

ولا حسّ بالعطاء

بلادنا راحت فين؟

هما فين الملايين؟

خالد عبد الناصر

مع انه كان متحاصر

الثورة ف مصر زرع

ناضل كافح وجمع

حواليه الأحرار

مسؤولية الجبار

قام فيها بالكامل

لا باع ولا جامل

والثورة مكمّلة

مع احفاد متعلمة

للمسؤولية واعية

بإلتزام ساعية

للتوعية الفكرية

للوصول للحرية

ده الجيل الجديد

إصرار وإيد في الإيد

نلم شملنا

نخاف على بعضنا

مش ممكن الفساد

يحرر البلاد